جنگ جیو گروپ کے ایڈیٹر انچیف میر شکیل الرحمن کی ضمانت پر رہائی کے حکم کا خیر مقدم

پریس ریلیز

کراچی (تاریخ : 9 / نومبر / 2020) : کونسل آف پاکستان نیوز پیپر اینڈ ایڈیٹرز (سی پی این ای) کے صدر عارف نظامی نے سپریم کورٹ کی جانب سے جنگ جیو گروپ کے ایڈیٹر انچیف میر شکیل الرحمن کی ضمانت پر رہائی کے حکم کا خیر مقدم کرتے ہوئے، انہیں مبارک باد پیش کی ہے۔
انہوں نے کہا ہے کہ، صحافیوں اور ایڈیٹروں کو بے بنیاد الزامات میں گرفتاری اور قید کرنا قابل مذمت اقدامات ہیں۔ انہوں نے کہا کہ ہر قسم کے دباؤ سے آزاد میڈیا ہی ملک کی جمہوری ، معاشی و سماجی نشونما کے لیے راہ ہموار کرتا ہے۔
انہوں نے امید ظاہر کی کہ، مستقبل میں اس قسم کے اقدامات نہیں دہرائے جائیں گے۔