سی پی این ای کی درخواست پر سندھ حکومت کے ذمہ اخباری اداروں کے واجبات کی عدم ادائیگی پر توہین عدالت کی سماعت

0
223

نیوز آئٹم
تاریخ: 23 جون 2021ء

کراچی ( ) کونسل آف پاکستان نیوزپیپر ایڈیٹرز (سی پی این ای) کی درخواست پر سندھ حکومت کے ذمہ اخباری اداروں کے جنوری 2019ء تا جون 2020ء تک کے واجبات کی عدم ادائیگی پر توہین عدالت کی کاروائی کی آج سندھ ہائی کورٹ میں سماعت ہوئی۔ سندھ ہائی کورٹ کے جسٹس محمد جنید غفار اور جسٹس محترمہ راشدہ اسد پر مشتمل ڈویژن بنچ نے عدالت کے واضح احکامات کے باوجود سی پی این ای کے اراکین کے اخبارات کو ادائیگیاں نہ کرنے پر محکمہ اطلاعات سندھ سے وضاحت طلب کی۔ سماعت کے دوران حکومت سندھ کے فنانس سیکریٹری اور انفارمیشن سیکریٹری کی جانب سے عدالت میں تقریبا ً 67 لاکھ روپے کے واجبات کی مزید ادائیگیوں کے چیک کی فہرست جمع کراتے ہوئے بقیہ واجبات بھی جلد ادا کرنے کی یقین دہانی کرائی گئی جس پر عدالت نے فوری طور پر تمام ادائیگیاں مکمل کرنے کی ہدایت کی اور سی پی این ای کو آئندہ سماعت پر بقیہ واجبات کی فہرست بھی جمع کرانے کا حکم دیتے ہوئے آئندہ سماعت 7 جولائی 2021ء تک ملتوی کر دی۔ سی پی این ای کی پیروی جمیل رضا زیدی اور محمد اظہر فریدی ایڈووکیٹس نے کی۔

جاری کردہ: کونسل آف پاکستان نیوزپیپر ایڈیٹرز۔

LEAVE A REPLY

Please enter your comment!
Please enter your name here