مذمتی پریس ریلیز
تاریخ: 26 اگست2021ء
سی پی این ای کی روزنامہ آفاق لاہور کے چیف ایڈیٹر اعجاز چیمہ کے گھر پر فائرنگ کی شدید مذمت
کراچی ( ) کونسل آف پاکستان نیوزپیپر ایڈیٹرز (سی پی این ای) نے روزنامہ آفاق لاہور کے چیف ایڈیٹر اعجاز چیمہ کے گھر پر فائرنگ کی شدید مذمت کی ہے۔ صحافیوں پر حملے اور ان کے گھروں پر نا معلوم افراد کی جانب سے فائرنگ ایک بزدلانہ ہتھکنڈہ ہے جو آزادی اظہار اور آزادی صحافت پر حملے کے مترادف ہے۔ سی پی این ای کے قائم مقام صدر کاظم خان، قائم مقام سیکریٹری جنرل عامر محمود و دیگر عہدیداروں نے اپنے مذمتی بیان میں سی پی این ای کے رکن روزنامہ آفاق لاہور کے چیف ایڈیٹر جناب اعجاز چیمہ سے بھرپور یکجہتی کا اظہار کرتے ہوئے حکومت سے مطالبہ کیا ہے کہ حملہ آوروں کو فوری طور پر گرفتار کر کے کیفر کردار تک پہنچایا جائے۔
جاری کردہ: کونسل آف پاکستان نیوزپیپر ایڈیٹرز۔
