تعزیتی پریس ریلیز
تاریخ: 11 مارچ 2022ء

سی پی این ای کی سینئر صحافی فرہاد زیدی کے انتقال پر اظہارتعزیت

کراچی (پ ر) کونسل آف پاکستان نیوزپیپر ایڈیٹرز (سی پی این ای) نے سینئر صحافی، ایڈیٹر اور اسکالر فرہاد زیدی کے انتقال پر گہرے دکھ اور دلی تعزیت کا اظہار کیا ہے۔ سی پی این ای کے صدر کاظم خان اور سیکریٹری جنرل عامر محمود نے مشترکہ تعزیتی بیان میں فرہاد زیدی کی وفات پر افسوس کا اظہار کرتے ہوئے کہا ہے کہ اعلیٰ صحافتی اقدار کے علمبردار جناب فرہاد زیدی کی وفات پر آزادی صحافت کی جدوجہد کے اس موڑ پر پاکستانی میڈیا کے لئے ایک بڑا صدمہ ہے۔ سی پی این ای کے رہنماؤں نے جناب فرہاد زیدی کی صحافتی خدمات کو بھرپور خراج تحسین پیش کرتے ہوئے کہا کہ وہ کہنہ مشق صحافی تھے، انہوں نے ہمیشہ آزادی اظہار ، آزادی صحافت اور جمہوریت کی بقا کے لئے جدوجہد کی۔ صحافت اور انسانی حقوق کے شعبوں میں ان کا ملکی تاریخ کے معماروں میں شمار ہوتا ہے۔ اللہ تعالیٰ انہیں جوار رحمت میں جگہ عطا فرمائے اور سوگواران کو اس سانحہ پر صبرجمیل عطا فرمائے۔ آمین!

جاری کردہ: کونسل آف پاکستان نیوزپیپر ایڈیٹرز۔