سی پی این ای کے وفد کی سابق وزیر اعظم اور پی ٹی آئی کے چیئر مین عمران خان سے ملاقات

0
180

پریس ریلیز

تاریخ: 28 اپریل 2022ء

سی پی این ای کے عہدیداران کے وفد کی سابق وزیر اعظم اور پی ٹی آئی کے چیئر مین عمران خان سے ملاقات

اسلام آباد (پ ر) کونسل آف پاکستان نیوزپیپر ایڈیٹرز (سی پی این ای) کے عہدیداران کے وفد کی سابق وزیر اعظم اور پاکستان تحریک انصاف (پی ٹی آئی) کے چیئر مین عمران خان سے ملاقات۔ ملاقات میں میڈیا میں فیک نیوز کے حوالے سے تفصیلی گفتگو کی گئی اور فیک نیوز کے تمام زاویوں کا جائزہ لیا گیا۔ سابق وزیر اعظم کو یہ بھی بتایا گیا کہ سابقہ دور حکومت میں سی پی این ای نے فیک نیوز کی تشریح کے متعلق تفصیلی نوٹ وزارت اطلاعات کو جمع کروایا تھا، اور موجوہ وزیر اطلاات کو بھی یہ نوٹ جمع کرا دیا گیا ہے جس میں فیک نیوز کی مختلف اشکال و اقسام ، تعریف و تشریح موجود ہے، اور ضرورت اس امر کی ہے کہ ہتک عزت کے مقدمات کا فیصلہ مخصوص مدت میں کیا جائے۔

عمران خان نے کہا کہ افواہ سازی اور فیک نیوز یقینا ایک بڑا مسئلہ ہے۔ اہل صحافت کو افواہ سازی اور فیک نیوز کے تدارک میں کلیدی کردار حاصل ہے۔ ایک سوال کے جواب میں انہوں نے کہا کہ ان کی حکومت ایک منصوبہ بندی کے تحت ہٹائی گئی ہے۔ عوام میں شدید غم و غصہ ہے۔ عید کے بعد بھرپور مہم کا آغاز کیا جائے گا اور حکومت کو فوری الیکشن کرانے ہوں گے۔ سی پی این ای کے صدر کاظم خان نے کہا کہ فیک نیوز اور آزادی اظہار دو مختلف چیزیں ہیں، میڈیا کو مورد الزام ٹھہرانے کی بجائے اپنی غلطیوں کی اصلاح ضروری ہے۔

جاری کردہ: کونسل آف پاکستان نیوزپیپر ایڈیٹرز۔

LEAVE A REPLY

Please enter your comment!
Please enter your name here